tujhi se ibtida hai tu hi ek din intiha hoga

tujhī se ibtidā hai tū hī ik din intihā hogā

sadā-e-sāz hogī aur na sāz-e-be-sadā hogā

hameñ ma.alūm hai ham se suno mahshar meñ kyā hogā

sab us ko dekhte hoñge vo ham ko dekhtā hogā

sar-e-mahshar ham aise āsiyoñ kā aur kyā hogā

dar-e-jannat na vā hogā dar-e-rahmat to vā hogā

jahannam ho ki jannat jo bhī hogā faisla hogā

ye kyā kam hai hamārā aur un kā sāmnā hogā

azal ho yā abad donoñ asīr-e-zulf-e-hazrat haiñ

jidhar nazreñ uThāoge yahī ik silsilā hogā

ye nisbat ishq kī be-rañg laa.e rah nahīñ saktī

jo mahbūb-e-ḳhudā kā hai vo mahbūb-e-ḳhudā hogā

isī ummīd par ham tālibān-e-dard jiite haiñ

ḳhoshā dard de ki terā aur dard-e-lā-davā hogā

nigāh-e-qahr par bhī jān-o-dil sab kho.e baiThā hai

nigāh-e-mehr āshiq par agar hogī to kyā hogā

siyānā bhej degā ham ko mahshar se jahannam meñ

magar jo dil pe guzregī vo dil hī jāntā hogā

samajhtā kyā hai tū dīvāngān-e-ishq ko zāhid

ye ho jā.eñge jis jānib usī jānib ḳhudā hogā

'jigar' kā haath hogā hashr meñ aur dāman-e-hazrat

shikāyat ho ki shikva jo bhī hogā barmalā hogā

tujhi se ibtida hai tu hi ek din intiha hoga

sada-e-saz hogi aur na saz-e-be-sada hoga

hamein malum hai hum se suno mahshar mein kya hoga

sab us ko dekhte honge wo hum ko dekhta hoga

sar-e-mahshar hum aise aasiyon ka aur kya hoga

dar-e-jannat na wa hoga dar-e-rahmat to wa hoga

jahannam ho ki jannat jo bhi hoga faisla hoga

ye kya kam hai hamara aur un ka samna hoga

azal ho ya abad donon asir-e-zulf-e-hazrat hain

jidhar nazren uThaoge yahi ek silsila hoga

ye nisbat ishq ki be-rang lae rah nahin sakti

jo mahbub-e-KHuda ka hai wo mahbub-e-KHuda hoga

isi ummid par hum taliban-e-dard jite hain

KHosha dard de ki tera aur dard-e-la-dawa hoga

nigah-e-qahr par bhi jaan-o-dil sab khoe baiTha hai

nigah-e-mehr aashiq par agar hogi to kya hoga

siyana bhej dega hum ko mahshar se jahannam mein

magar jo dil pe guzregi wo dil hi jaanta hoga

samajhta kya hai tu diwangan-e-ishq ko zahid

ye ho jaenge jis jaanib usi jaanib KHuda hoga

'jigar' ka hath hoga hashr mein aur daman-e-hazrat

shikayat ho ki shikwa jo bhi hoga barmala hoga