dekhte dekhte tadbir badal deta hai

dekhte dekhte tadbīr badal detā hai

jang kā faisla ik tiir badal detā hai

sirf itnī hai ri'āyat hameñ dāroġha kī

zang lag jaa.e to zanjīr badal detā hai

ek patthar ke ḳhudā ne ye batāyā hai mujhe

koī tesha hai jo taqdīr badal detā hai

tapte sahrā ko banā letā hai aivāñ apnā

'ishq insān kī jāgīr badal detā hai

yuuñ ulajhtā hai tirī yaad kā naqsha ai dost

dekh yaksar mirī tā'mīr badal detā hai

sādgī jāma-e-ġhālib hai ba-zāhir lekin

ruuh meñ apnī ise 'mīr' badal detā hai

muḌ ke dekhā to sar-e-bām vo jaltā manzar

merā ik lamha-e-tāḳhīr badal detā hai

'aun' is daur kā rāñjhā hai 'ajab sahl-mizāj

ḳhauf-e-rusvā.ī se jo hiir badal detā hai

dekhte dekhte tadbir badal deta hai

jang ka faisla ek tir badal deta hai

sirf itni hai ri'ayat hamein darogha ki

zang lag jae to zanjir badal deta hai

ek patthar ke KHuda ne ye bataya hai mujhe

koi tesha hai jo taqdir badal deta hai

tapte sahra ko bana leta hai aiwan apna

'ishq insan ki jagir badal deta hai

yun ulajhta hai teri yaad ka naqsha ai dost

dekh yaksar meri ta'mir badal deta hai

sadgi jama-e-ghaalib hai ba-zahir lekin

ruh mein apni ise 'mir' badal deta hai

muD ke dekha to sar-e-baam wo jalta manzar

mera ek lamha-e-taKHir badal deta hai

'aun' is daur ka ranjha hai 'ajab sahl-mizaj

KHauf-e-ruswai se jo hir badal deta hai