wo jhil aur sham ka manzar kidhar gaya
vo jhiil aur shaam kā manzar kidhar gayā
tasvīr dekh kar mirā chehra utar gayā
kuchh āshnā yaqīn ke us paar utar ga.e
rasta kisī kā niil ke paanī se bhar gayā
vijdān ke safar meñ sukūñ kī talāsh meñ
ik nā-tavān vajd kī hālat meñ mar gayā
phir se ka.ī daraḳht mujhe kāTne paḌe
nādāñ samajh rahe the ki tūfāñ guzar gayā
'az.har' talāsh-e-haq meñ zamīñ khodnī paḌī
phir munhadim vujūd kā malba bikhar gayā
wo jhil aur sham ka manzar kidhar gaya
taswir dekh kar mera chehra utar gaya
kuchh aashna yaqin ke us par utar gae
rasta kisi ka nil ke pani se bhar gaya
wijdan ke safar mein sukun ki talash mein
ek na-tawan wajd ki haalat mein mar gaya
phir se kai daraKHt mujhe kaTne paDe
nadan samajh rahe the ki tufan guzar gaya
'azhar' talash-e-haq mein zamin khodni paDi
phir munhadim wujud ka malba bikhar gaya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
