shairi mein zikr hota hai bahut tadbir ka

shā'irī meñ zikr hotā hai bahut tadbīr kā

kuchh nahīñ tadbīr saarā khel hai taqdīr kā

yaar kā dil-dār kā dil-dār kī tasvīr kā

shā'irī meñ shor hai to nāla-e-shab-gīr kā

aur baḌhtī haiñ musalsal husn kī be-tābiyāñ

chuuk jaatā hai nishāna jab nazar ke tiir kā

chhīn le yā baḳhsh de 'izzat tumhāre naam ko

kuchh pata chaltā nahīñ hai husn kī tāsīr kā

ek hī raT raat din āvārgī āvārgī

dūsrā pahlū bhī to tum dekhte tasvīr kā

ik ġhalat fahmī hue haiñ ham idhar aur tum udhar

kyā tumheñ manzūr hai ye faisla taqdīr kā

ḳhud-parastī ḳhud-numā.ī se agar fursat mile

zikr tab aa.e zabāñ par kātib-e-taqdīr kā

sha'iri mein zikr hota hai bahut tadbir ka

kuchh nahin tadbir sara khel hai taqdir ka

yar ka dil-dar ka dil-dar ki taswir ka

sha'iri mein shor hai to nala-e-shab-gir ka

aur baDhti hain musalsal husn ki be-tabiyan

chuk jata hai nishana jab nazar ke tir ka

chhin le ya baKHsh de 'izzat tumhaare nam ko

kuchh pata chalta nahin hai husn ki tasir ka

ek hi raT raat din aawargi aawargi

dusra pahlu bhi to tum dekhte taswir ka

ek ghalat fahmi hue hain hum idhar aur tum udhar

kya tumhein manzur hai ye faisla taqdir ka

KHud-parasti KHud-numai se agar fursat mile

zikr tab aae zaban par katib-e-taqdir ka