kitni pur-kaif zindagi hai abhi
kitnī pur-kaif zindagī hai abhī
terī tasvīr boltī hai abhī
ḳhuun rotī hai subh-e-afsurda
ik sitāre ne jaan dī hai abhī
tū hai chup aur tirā badan ḳhāmosh
raat goyā nahīñ huī hai abhī
rafta rafta banegī hukm yahī
jo guzārish na.ī na.ī hai abhī
chāñdnī hijr ḳhāmushī ḳhushbū
kyā 'azāboñ meñ kuchh kamī hai abhī
haañ jalā apnī āgahī ke charāġh
shahr mahrūm-e-raushnī hai abhī
kitni pur-kaif zindagi hai abhi
teri taswir bolti hai abhi
KHun roti hai subh-e-afsurda
ek sitare ne jaan di hai abhi
tu hai chup aur tera badan KHamosh
raat goya nahin hui hai abhi
rafta rafta banegi hukm yahi
jo guzarish nai nai hai abhi
chandni hijr KHamushi KHushbu
kya 'azabon mein kuchh kami hai abhi
han jala apni aagahi ke charagh
shahr mahrum-e-raushni hai abhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
