chaar-su dhund hai suraj sa diya chahta hun

chār-sū dhund hai sūraj sā diyā chāhtā huuñ

tujh se yak-tarfa mohabbat kā sila chāhtā huuñ

tū 'ināyat ko mohabbat ke tarāzū pe na rakh

lams ko vajd meñ lā sāmne aa chāhtā huuñ

ḳhvāb tā'bīr ke siine se lipaT jaatā hai

koī is taur se kahtā hai ki kyā chāhtā huuñ

tere dikhte hī tasavvuf kī kiran phūTtī hai

tujh se miltā huuñ to lagtā hai ḳhudā chāhtā huuñ

maanā patthar huuñ tirī eḌī ko dil sauñpā hai

chashma phūTegā to maiñ rang-e-hinā chāhtā huuñ

bas isī shauq meñ guzregī javānī 'kāshif'

kabhī pūchhegī hasīna ki maiñ kyā chāhtā huuñ

chaar-su dhund hai suraj sa diya chahta hun

tujh se yak-tarfa mohabbat ka sila chahta hun

tu 'inayat ko mohabbat ke taraazu pe na rakh

lams ko wajd mein la samne aa chahta hun

KHwab ta'bir ke sine se lipaT jata hai

koi is taur se kahta hai ki kya chahta hun

tere dikhte hi tasawwuf ki kiran phuTti hai

tujh se milta hun to lagta hai KHuda chahta hun

mana patthar hun teri eDi ko dil saunpa hai

chashma phuTega to main rang-e-hina chahta hun

bas isi shauq mein guzregi jawani 'kashif'

kabhi puchhegi hasina ki main kya chahta hun