sahra ke dil mein bhi hai samundar chhupa hua
sahrā ke dil meñ bhī hai samundar chhupā huā
paanī bahut hai ret ke andar chhupā huā
lab par hañsī kā phuul hai dil meñ charāġh-e-ġham
hai qahqahe meñ dard kā manzar chhupā huā
yāroñ kī tarz-e-hausla-afzā.ī dekhiye
tahsīn meñ hai tanz kā patthar chhupā huā
apnoñ kī anjuman meñ bhī lāzim hai ehtiyāt
shāyad 'adū kā yaañ bhī ho lashkar chhupā huā
rah kar vo mujh se duur bhī mere qarīb hai
dil meñ hai us kī yaad kā daftar chhupā huā
'e'jāz' mil rahā hai vo kitne tapāk se
hai jis kī āstīn meñ ḳhanjar chhupā huā
sahra ke dil mein bhi hai samundar chhupa hua
pani bahut hai ret ke andar chhupa hua
lab par hansi ka phul hai dil mein charagh-e-gham
hai qahqahe mein dard ka manzar chhupa hua
yaron ki tarz-e-hausla-afzai dekhiye
tahsin mein hai tanz ka patthar chhupa hua
apnon ki anjuman mein bhi lazim hai ehtiyat
shayad 'adu ka yan bhi ho lashkar chhupa hua
rah kar wo mujh se dur bhi mere qarib hai
dil mein hai us ki yaad ka daftar chhupa hua
'e'jaz' mil raha hai wo kitne tapak se
hai jis ki aastin mein KHanjar chhupa hua
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
