hawa ulTi chali hai aaj-kal kaisi zamane mein

havā ulTī chalī hai āj-kal kaisī zamāne meñ

liye jaate haiñ mai-kash khīñch kar qaazī ko thāne meñ

ḳhizāñ aate hī tinkā tinkā apnā ban gayā dushman

rahe yā aag lag jaa.e ab aise āshiyāne meñ

shab-e-tārīk-e-ġham meñ bekasī kā ab ye 'ālam hai

ajal bhī ḳhauf khātī hai mire bālīñ pe aane meñ

bujhā de pyaas jāñ-bāzoñ kī āb-e-teġh se qātil

sunā hai ajr miltā hai bahut paanī pilāne se

tire tīr-e-nazar se dil jigar donoñ hue zaḳhmī

kiye haiñ khet do naḳhchīr tū ne ik nishāne meñ

vo hai muḳhtār-e-kul bandoñ ko chāhe jis tarah rakkhe

kisī kā daḳhl kyā 'bismil' ḳhudā ke kār-ḳhāne meñ

hawa ulTi chali hai aaj-kal kaisi zamane mein

liye jate hain mai-kash khinch kar qazi ko thane mein

KHizan aate hi tinka tinka apna ban gaya dushman

rahe ya aag lag jae ab aise aashiyane mein

shab-e-tarik-e-gham mein bekasi ka ab ye 'alam hai

ajal bhi KHauf khati hai mere baalin pe aane mein

bujha de pyas jaan-bazon ki aab-e-tegh se qatil

suna hai ajr milta hai bahut pani pilane se

tere tir-e-nazar se dil jigar donon hue zaKHmi

kiye hain khet do naKHchir tu ne ek nishane mein

wo hai muKHtar-e-kul bandon ko chahe jis tarah rakkhe

kisi ka daKHl kya 'bismil' KHuda ke kar-KHane mein