ghair-mumkin ko bhi imkan mein rakh sakte hain
ġhair-mumkin ko bhī imkān meñ rakh sakte haiñ
un kī dutkār ko ham shaan meñ rakh sakte haiñ
phuul hī phuul haiñ chāroñ taraf us kamre meñ
cactus bhī kisī guldān meñ rakh sakte haiñ
baat jo aap se dil meñ nahīñ rakkhī jaatī
ham se keh dījiye ham kaan meñ rakh sakte haiñ
aap ko pā nahīñ sakte hameñ mā'lūm hai so
aap ko dil meñ nahīñ dhyān meñ rakh sakte haiñ
fikr me'yār kī itnī hai ki ḳhārij kare ‘aas’
aise ash'ār jo dīvān meñ rakh sakte haiñ
ghair-mumkin ko bhi imkan mein rakh sakte hain
un ki dutkar ko hum shan mein rakh sakte hain
phul hi phul hain chaaron taraf us kamre mein
cactus bhi kisi guldan mein rakh sakte hain
baat jo aap se dil mein nahin rakkhi jati
hum se keh dijiye hum kan mein rakh sakte hain
aap ko pa nahin sakte hamein ma'lum hai so
aap ko dil mein nahin dhyan mein rakh sakte hain
fikr me'yar ki itni hai ki KHarij kare ‘as’
aise ash'ar jo diwan mein rakh sakte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
