de ke nam-e-wafa pe mujhko fareb

de ke nām-e-vafā pe mujh ko fareb

vo mirī sādgī pe hañste haiñ

dekh kar shān-e-kaj-adā.ī ko

ham tirī dilbarī pe hañste haiñ

qaid-e-tanhā.ī kāTte haiñ ham

bām-o-dar be-kasī pe hañste haiñ

hai 'abas nusḳha-e-masīhā.ī

zaḳhm chāragarī pe hañste haiñ

shauq-e-manzil meñ gum hue aise

rāste gumrahī pe hañste haiñ

chāñdnī meñ jale hue chehre

jaane kyuuñ tīrgī pe hañste haiñ

dil kī bastī ujāḌne vaale

shahr-e-āvārgī pe hañste haiñ

hai ḳhirad ḳhud asīr-e-vahm-o-gumāñ

aadmī aadmī pe hañste haiñ

de ke nam-e-wafa pe mujh ko fareb

wo meri sadgi pe hanste hain

dekh kar shan-e-kaj-adai ko

hum teri dilbari pe hanste hain

qaid-e-tanhai kaTte hain hum

baam-o-dar be-kasi pe hanste hain

hai 'abas nusKHa-e-masihai

zaKHm chaaragari pe hanste hain

shauq-e-manzil mein gum hue aise

raste gumrahi pe hanste hain

chandni mein jale hue chehre

jaane kyun tirgi pe hanste hain

dil ki basti ujaDne wale

shahr-e-awargi pe hanste hain

hai KHirad KHud asir-e-wahm-o-guman

aadmi aadmi pe hanste hain