kaifiyat aisi hai koi mehrban mera nahin
kaifiyat aisī hai koī mehrbāñ merā nahīñ
maiñ akelā huuñ yahāñ koī yahāñ merā nahīñ
aane vāloñ meñ na dekho aa.e kitne haiñ yahāñ
lauTte qadmoñ meñ dekho ik nishāñ merā nahīñ
dil mirā qadmoñ tale rakhtī ho kyuuñ tum jān-e-jāñ
dil mirā mā'sūm hai dil saḳht-jāñ merā nahīñ
haal ahvāl us kā pūchho mat ġhazal ke darmiyāñ
ham-nashīñ to hai vo lekin ham-zabāñ merā nahīñ
mujh se mere dil kī ab bantī nahīñ hai dosto
maiñ yahāñ maujūd huuñ par dil yahāñ merā nahīñ
kaifiyat aisi hai koi mehrban mera nahin
main akela hun yahan koi yahan mera nahin
aane walon mein na dekho aae kitne hain yahan
lauTte qadmon mein dekho ek nishan mera nahin
dil mera qadmon tale rakhti ho kyun tum jaan-e-jaan
dil mera ma'sum hai dil saKHt-jaan mera nahin
haal ahwal us ka puchho mat ghazal ke darmiyan
ham-nashin to hai wo lekin ham-zaban mera nahin
mujh se mere dil ki ab banti nahin hai dosto
main yahan maujud hun par dil yahan mera nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
