hajla-e-zat se tanha nikla

hajla-e-zāt se tanhā niklā

merā ġham-ḳhvār bhī mujh sā niklā

gar ye rokā na gayā palkoñ se

rāsta kaaT ke dariyā niklā

raat ke baa'd sahar bhī aa.ī

apnā ik ḳhvāb to sachchā niklā

kitnā zālim nazar aayā thā raqīb

vo bhī majbūr-e-tamannā niklā

nukta-chīñ yā'nī vahī ahl-e-nazar

aañkh rakhte hue andhā niklā

be-zarī khā ga.ī dil vāloñ ko

ġham-e-dil bhī ġham-e-duniyā niklā

dil kī baat aur hai dekhā kis ne

jism kā rang to ujlā niklā

dar-o-dīvār ta'āqub meñ chale

ghar se maiñ jab bhī akelā niklā

raushnī kar ga.ī mujh ko taqsīm

jism se kab mirā saayā niklā

thā bahut shahr meñ bad-nām 'qatīl'

yaar vo shaḳhs to achchhā niklā

hajla-e-zat se tanha nikla

mera gham-KHwar bhi mujh sa nikla

gar ye roka na gaya palkon se

rasta kaT ke dariya nikla

raat ke ba'd sahar bhi aai

apna ek KHwab to sachcha nikla

kitna zalim nazar aaya tha raqib

wo bhi majbur-e-tamanna nikla

nukta-chin ya'ni wahi ahl-e-nazar

aankh rakhte hue andha nikla

be-zari kha gai dil walon ko

gham-e-dil bhi gham-e-duniya nikla

dil ki baat aur hai dekha kis ne

jism ka rang to ujla nikla

dar-o-diwar ta'aqub mein chale

ghar se main jab bhi akela nikla

raushni kar gai mujh ko taqsim

jism se kab mera saya nikla

tha bahut shahr mein bad-nam 'qatil'

yar wo shaKHs to achchha nikla