ye KHayal tha kabhi KHwab mein tujhe dekhte

ye ḳhayāl thā kabhī ḳhvāb meñ tujhe dekhte

kabhī zindagī kī kitāb meñ tujhe dekhte

mire māh-rū tū hijāb hī meñ rahā magar

hameñ taab thī tab-o-tāb meñ tujhe dekhte

kabhī koī bābat-e-husn ham se jo pūchhtā

to ham ahl-e-'ishq javāb meñ tujhe dekhte

kisī aur dhaj se banāte terā mujassama

kabhī ham jo 'ain-shabāb meñ tujhe dekhte

kabhī dekhte tujhe tīrgī ke jamāl meñ

kabhī raushnī ke sarāb meñ tujhe dekhte

tujhe roz dekhne jaate ham sar-e-āb-jū

kabhī aab dekhtā aab meñ tujhe dekhte

ye KHayal tha kabhi KHwab mein tujhe dekhte

kabhi zindagi ki kitab mein tujhe dekhte

mere mah-ru tu hijab hi mein raha magar

hamein tab thi tab-o-tab mein tujhe dekhte

kabhi koi babat-e-husn hum se jo puchhta

to hum ahl-e-'ishq jawab mein tujhe dekhte

kisi aur dhaj se banate tera mujassama

kabhi hum jo 'ain-shabab mein tujhe dekhte

kabhi dekhte tujhe tirgi ke jamal mein

kabhi raushni ke sarab mein tujhe dekhte

tujhe roz dekhne jate hum sar-e-ab-ju

kabhi aab dekhta aab mein tujhe dekhte