teri yaadon ko dil-o-jaan mein basaya humne

terī yādoñ ko dil-o-jāñ meñ basāyā ham ne

apne vīrān shabistāñ ko sajāyā ham ne

aap ke vāste ash'ār bhī be-vazn kiye

tū jahāñ lagtā vahāñ aap lagāyā ham ne

ibtidā 'ishq kī ik harf-e-tamannā se huī

phir usī harf ko duniyā meñ sunāyā ham ne

aap bichhḌe to har ik shai se gurezāñ ho kar

apne hone kā bhī mātam sā manāyā ham ne

log paḌhte rahe chehre pe mohabbat kā nisāb

hāl-e-dil sab se magar ḳhuub chhupāyā ham ne

log hairān the kyuuñ shahr meñ rusvā haiñ ham

naam terā thā magar ḳhud ko batāyā ham ne

tirī nisbat ke liye harf bhī sajde meñ rahe

yuuñ ġhazal ko tire kūche se milāyā ham ne

tirī āvāz kī ḳhushbū se mahak uTThe harf

lafz kāġhaz pe nahīñ dil pe sajāyā ham ne

kitne aañsū the jo palkoñ se simaTte hī na the

phir bhī hañs hañs ke zamāne ko dikhāyā ham ne

terī chāhat ne 'ajab tarz-e-suḳhan baḳhshā thā

zaḳhm likhte rahe aur jashn manāyā ham ne

teri yaadon ko dil-o-jaan mein basaya hum ne

apne viran shabistan ko sajaya hum ne

aap ke waste ash'ar bhi be-wazn kiye

tu jahan lagta wahan aap lagaya hum ne

ibtida 'ishq ki ek harf-e-tamanna se hui

phir usi harf ko duniya mein sunaya hum ne

aap bichhDe to har ek shai se gurezan ho kar

apne hone ka bhi matam sa manaya hum ne

log paDhte rahe chehre pe mohabbat ka nisab

haal-e-dil sab se magar KHub chhupaya hum ne

log hairan the kyun shahr mein ruswa hain hum

nam tera tha magar KHud ko bataya hum ne

teri nisbat ke liye harf bhi sajde mein rahe

yun ghazal ko tere kuche se milaya hum ne

teri aawaz ki KHushbu se mahak uTThe harf

lafz kaghaz pe nahin dil pe sajaya hum ne

kitne aansu the jo palkon se simaTte hi na the

phir bhi hans hans ke zamane ko dikhaya hum ne

teri chahat ne 'ajab tarz-e-suKHan baKHsha tha

zaKHm likhte rahe aur jashn manaya hum ne