tayyun rah ka karna ho jo iqdam se pahle

ta'ayyun raah kā karnā ho jo iqdām se pahle

to phir tum mashvara karnā kisī nākām se pahle

shab-e-furqat kā sochā to tamannā bārhā kī hai

mirā dam hī nikal jaa.e ġhurūb-e-shām se pahle

bharī mahfil meñ nazreñ jab milīñ dil thaam kar baiThe

kabhī bahke nahīñ the ham tire is jaam se pahle

javānī luT ga.ī jazbāt pazhmurda hue saare

kabhī sochā nahīñ thā 'ishq ke anjām se pahle

bhalā manzil talak kaise kabhī un kī rasā.ī ho

musalsal dekhte chhāle haiñ jo har gaam se pahle

ye duniyā maañ nahīñ hai jo tumheñ girne nahīñ degī

sañbhalnā ḳhud hī sīkho gardish-e-ayyām se pahle

mire dāman ko chīrā hai vo lekin pārsā Thahrī

magar maiñ yūsuf-e-daurāñ thā is ilzām se pahle

tumhāre dil kī taḳhtī par hamārā naam hai lekin

ye kis kā naam kanda thā hamāre naam se pahle

mohabbat ruuh ke gahre ta'alluq ko jo kahte haiñ

mohabbat ḳhud vo karte haiñ inhīñ ajsām se pahle

ta'ayyun rah ka karna ho jo iqdam se pahle

to phir tum mashwara karna kisi nakaam se pahle

shab-e-furqat ka socha to tamanna barha ki hai

mera dam hi nikal jae ghurub-e-sham se pahle

bhari mahfil mein nazren jab milin dil tham kar baiThe

kabhi bahke nahin the hum tere is jam se pahle

jawani luT gai jazbaat pazhmurda hue sare

kabhi socha nahin tha 'ishq ke anjam se pahle

bhala manzil talak kaise kabhi un ki rasai ho

musalsal dekhte chhaale hain jo har gam se pahle

ye duniya man nahin hai jo tumhein girne nahin degi

sanbhalna KHud hi sikho gardish-e-ayyam se pahle

mere daman ko chira hai wo lekin parsa Thahri

magar main yusuf-e-dauran tha is ilzam se pahle

tumhaare dil ki taKHti par hamara nam hai lekin

ye kis ka nam kanda tha hamare nam se pahle

mohabbat ruh ke gahre ta'alluq ko jo kahte hain

mohabbat KHud wo karte hain inhin ajsam se pahle