Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mubarak rahe tumko KHwabon ki duniya

Asar Lakhnavi

mubarak rahe tumko KHwabon ki duniya

Asar Lakhnavi

MORE BYAsar Lakhnavi

    mubārak rahe tum ko ḳhvāboñ kī duniyā

    mujhe chāhiye iztirāboñ kī duniyā

    tamannāoñ meñ dil-kashī hai to lekin

    samajh un ko nāzuk habāboñ kī duniyā

    nayā āsmāñ hai sitāre na.e haiñ

    kabhī dekh tū ham ḳharāboñ kī duniyā

    bahār-e-mujassam ḳhirāmāñ gul-afshāñ

    are tauba mahke shabāboñ kī duniyā

    sitāre churā laa.e yā-rab kahāñ se

    kisī māh-e-paikar ke ḳhvāboñ kī duniyā

    koī hal kare kyā mu'ammā-e-hastī

    hijāboñ ke andar hijāboñ kī duniyā

    takallum se baḌh kar ḳhamoshī ne luuTī

    mohabbat ke hāzir-javāboñ kī duniyā

    faqat dīda-e-pāk-bīñ ke liye hai

    mohabbat ke mā'sūm ḳhvāboñ kī duniyā

    huī apne hī ḳhuun meñ ġharq āḳhir

    ta'ayyush kī duniyā sharāboñ kī duniyā

    jo pā.inda hogī mohabbat se hogī

    ye duniyā ki hai iztirāboñ kī duniyā

    'asar' shor-e-zāġh-o-zaġhan se hai baalā

    buland āshiyāna 'uqāboñ kī duniyā

    mubarak rahe tum ko KHwabon ki duniya

    mujhe chahiye iztirabon ki duniya

    tamannaon mein dil-kashi hai to lekin

    samajh un ko nazuk hababon ki duniya

    naya aasman hai sitare nae hain

    kabhi dekh tu hum KHarabon ki duniya

    bahaar-e-mujassam KHiraman gul-afshan

    are tauba mahke shababon ki duniya

    sitare chura lae ya-rab kahan se

    kisi mah-e-paikar ke KHwabon ki duniya

    koi hal kare kya mu'amma-e-hasti

    hijabon ke andar hijabon ki duniya

    takallum se baDh kar KHamoshi ne luTi

    mohabbat ke hazir-jawabon ki duniya

    faqat dida-e-pak-bin ke liye hai

    mohabbat ke ma'sum KHwabon ki duniya

    hui apne hi KHun mein gharq aaKHir

    ta'ayyush ki duniya sharabon ki duniya

    jo painda hogi mohabbat se hogi

    ye duniya ki hai iztirabon ki duniya

    'asar' shor-e-zagh-o-zaghan se hai baala

    buland aashiyana 'uqabon ki duniya

    Tagged Under

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now