chhup gaye aib ki upar hain juraben aisi

chhup gaye 'aib ki uupar haiñ jurābeñ aisī

oḌh liiñ paaoñ ke chehroñ ne naqābeñ aisī

asp ruktā hai na maiñ ḳhud ko girā saktā huuñ

ban ga.iiñ paaoñ kī zanjīr rikābeñ aisī

muñh meñ jo ghūñT haiñ yaḳh dil meñ vahī sho'la haiñ

barf meñ aag lagā.e haiñ sharābeñ aisī

aise chehre sar-e-maktab ki hai paḌhnā mushkil

ḳhud mudarris jinheñ paḌhtā hai kitābeñ aisī

haañ tujhe ḳhaak ke rishtoñ ne jakaḌ rakkhā hai

aisā sar-kash hai to phir toḌ tanābeñ aisī

chhup gaye 'aib ki upar hain juraben aisi

oDh lin paon ke chehron ne naqaben aisi

asp rukta hai na main KHud ko gira sakta hun

ban gain paon ki zanjir rikaben aisi

munh mein jo ghunT hain yaKH dil mein wahi sho'la hain

barf mein aag lagae hain sharaben aisi

aise chehre sar-e-maktab ki hai paDhna mushkil

KHud mudarris jinhen paDhta hai kitaben aisi

han tujhe KHak ke rishton ne jakaD rakkha hai

aisa sar-kash hai to phir toD tanaben aisi