chhaten gharon ki uDi hain to dekhte ho kya
chhateñ gharoñ kī uḌī haiñ to dekhte ho kyā
havā-e-tund kī tahrīr paḌh rahe ho kyā
havā meñ kis kī pukāreñ haiñ kis ke nauhe haiñ
sunoge ġhaur se sunte ho sun rahe ho kyā
jo kho gayā mirī bikhrī huī kitāboñ se
usī hinā.ī se kāġhaz pe tum likhe ho kyā
tamām nuur ke sāñchoñ ko saath le ke miTe
diye ke rang meñ ai mere dil bujhe ho kyā
tumheñ to dekh ke sharminda ho gayā 'sāqib'
diloñ kī maslahatoñ ke tum aa.ine ho kyā
chhaten gharon ki uDi hain to dekhte ho kya
hawa-e-tund ki tahrir paDh rahe ho kya
hawa mein kis ki pukaren hain kis ke nauhe hain
sunoge ghaur se sunte ho sun rahe ho kya
jo kho gaya meri bikhri hui kitabon se
usi hinai se kaghaz pe tum likhe ho kya
tamam nur ke sanchon ko sath le ke miTe
diye ke rang mein ai mere dil bujhe ho kya
tumhein to dekh ke sharminda ho gaya 'saqib'
dilon ki maslahaton ke tum aaine ho kya
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
