tera haal ai dil-e-mubtala koi pas ho to sunaun main

tirā haal ai dil-e-mubtalā koī paas ho to sunā.ūñ maiñ

mire jiine kā jo ho aasrā use kis tarah se bhulā.ūñ maiñ

ai sukūn-e-dil ai qarār-e-jāñ mirī chheḌ par na ho bad-gumāñ

ye damakte taare ye kahkashāñ tū kahe to noch ke lā.ūñ maiñ

dam-e-sub.h uTh ke ba-sad adā mire paas se jo chalī ho tum

mirā 'ishq mujh se machal gayā ki sahar ko raat banā.ūñ maiñ

rah-e-'ishq kī ye sa'ūbateñ ye qadam qadam pe aziyyateñ

tumhī munsifī se kaho zarā ki ye baar kaise uThā.ūñ maiñ

vo mileñge 'hindī' se ab ke gar to ba-shauq pūchhūñgā un se maiñ

jo likhī hai maiñ ne ġhazal na.ī mujhe hukm ho to sunā.ūñ maiñ

tera haal ai dil-e-mubtala koi pas ho to sunaun main

mere jine ka jo ho aasra use kis tarah se bhulaun main

ai sukun-e-dil ai qarar-e-jaan meri chheD par na ho bad-guman

ye damakte tare ye kahkashan tu kahe to noch ke laun main

dam-e-subh uTh ke ba-sad ada mere pas se jo chali ho tum

mera 'ishq mujh se machal gaya ki sahar ko raat banaun main

rah-e-'ishq ki ye sa'ubaten ye qadam qadam pe aziyyaten

tumhi munsifi se kaho zara ki ye bar kaise uThaun main

wo milenge 'hindi' se ab ke gar to ba-shauq puchhunga un se main

jo likhi hai main ne ghazal nai mujhe hukm ho to sunaun main