sham ko dhup se rahat hi bhala kya hogi
shaam ko dhuup se rāhat hī bhalā kyā hogī
saa.e ko raat kī hasrat hī bhalā kyā hogī
niiñd kī chaah meñ jo aañkh bhaTaktī hī rahe
us ko ḳhvāboñ se bashārat hī bhalā kyā hogī
jin daraḳhtoñ pe parindoñ kī sukūnat na rahe
un pe tūfāñ kī qayāmat hī bhalā kyā hogī
maiñ tire vāste jaañ se bhī guzar saktī thī
tū ne samjhā thā 'ināyat hī bhalā kyā hogī
rabt qaa.em ho jo iz.hār kī bebākī par
aise bandhan meñ nazākat hī bhalā kyā hogī
jin charāġhoñ meñ na ho lauh-e-mohabbat baaqī
un charāġhoñ meñ harārat hī bhalā kyā hogī
sham ko dhup se rahat hi bhala kya hogi
sae ko raat ki hasrat hi bhala kya hogi
nind ki chah mein jo aankh bhaTakti hi rahe
us ko KHwabon se bashaarat hi bhala kya hogi
jin daraKHton pe parindon ki sukunat na rahe
un pe tufan ki qayamat hi bhala kya hogi
main tere waste jaan se bhi guzar sakti thi
tu ne samjha tha 'inayat hi bhala kya hogi
rabt qaem ho jo izhaar ki bebaki par
aise bandhan mein nazakat hi bhala kya hogi
jin charaghon mein na ho lauh-e-mohabbat baqi
un charaghon mein hararat hi bhala kya hogi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
