mujhe laga tha yahin kahin hai kahin nahin hai
mujhe lagā thā yahīñ kahīñ hai kahīñ nahīñ hai
baġhair tere sukūñ nahīñ hai kahīñ nahīñ hai
sanad virāsat kī le ke kab se bhaTak rahā huuñ
ye mere hisse kī jo zamīñ hai kahīñ nahīñ hai
jahāñ bhī jaao faqat milegā husain tum ko
yazīd lekin kahīñ nahīñ hai kahīñ nahīñ hai
bahut hai DhūñDā magar musībat ke in dinoñ meñ
jo ek 'arse se ham-nashīñ hai kahīñ nahīñ hai
qasam tumhārī maiñ puurī duniyā ko dekh aayā
tumhāre jaisā koī nahīñ hai kahīñ nahīñ hai
mire muqaddar ke āsmāñ meñ vo ik sitāra
mujhe pata hai mujhe yaqīñ hai kahīñ nahīñ hai
panāh de kar zabān yāroñ kī laḌkhaḌā.ī
'adū se bole 'razā' yahīñ hai kahīñ nahīñ hai
mujhe laga tha yahin kahin hai kahin nahin hai
baghair tere sukun nahin hai kahin nahin hai
sanad wirasat ki le ke kab se bhaTak raha hun
ye mere hisse ki jo zamin hai kahin nahin hai
jahan bhi jao faqat milega husain tum ko
yazid lekin kahin nahin hai kahin nahin hai
bahut hai DhunDa magar musibat ke in dinon mein
jo ek 'arse se ham-nashin hai kahin nahin hai
qasam tumhaari main puri duniya ko dekh aaya
tumhaare jaisa koi nahin hai kahin nahin hai
mere muqaddar ke aasman mein wo ek sitara
mujhe pata hai mujhe yaqin hai kahin nahin hai
panah de kar zaban yaron ki laDkhaDai
'adu se bole 'raza' yahin hai kahin nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
