mujhe jab tak tere didar ka mauqa nahin milta

mujhe jab tak tire dīdār kā mauqa' nahīñ miltā

mire dil ko sukūñ kā ek bhī lamha nahīñ miltā

qadam ruk jaate haiñ aksar mire dorāhe par goyā

kabhī manzil nahīñ miltī kabhī rasta nahīñ miltā

bahut afrād milte haiñ zamāne meñ magar jānāñ

tumhāre baa'd koī bhī mujhe tum sā nahīñ miltā

mirī qismat meñ kātib ne ḳhayānat hī likhī hai so

mirī mehnat kā phal mujh ko kabhī puurā nahīñ miltā

junūñ iḳhlās qurbānī muravvat aur bezārī

mohabbat kar mohabbat se bhalā kyā kyā nahīñ miltā

mujhe jab tak tere didar ka mauqa' nahin milta

mere dil ko sukun ka ek bhi lamha nahin milta

qadam ruk jate hain aksar mere dorahe par goya

kabhi manzil nahin milti kabhi rasta nahin milta

bahut afrad milte hain zamane mein magar jaanan

tumhaare ba'd koi bhi mujhe tum sa nahin milta

meri qismat mein katib ne KHayanat hi likhi hai so

meri mehnat ka phal mujh ko kabhi pura nahin milta

junun iKHlas qurbani murawwat aur bezari

mohabbat kar mohabbat se bhala kya kya nahin milta