gham-e-hayat ke shole na sard honge kabhi
ġham-e-hayāt ke sho'le na sard hoñge kabhī
sukūñ-shanās na ham ahl-e-dard hoñge kabhī
nazar meñ haiñ lab-o-‘āriz kī surḳhiyāñ jab tak
vafā-parastoñ ke chehre na zard hoñge kabhī
vo garmiyāñ tire anfās ne 'atā kī haiñ
hamāre dil ke alaav na sard hoñge kabhī
vo jin ke qadmoñ kī rahtī hai manziloñ ko talāsh
jahāñ meñ aise bhī kuchh rah-navard hoñge kabhī
yaqīñ na ho to ham ahl-e-shu’ūr mar jaa.eñ
ye zard zard kañval lāj-vard hoñge kabhī
gham-e-hayat ke sho'le na sard honge kabhi
sukun-shanas na hum ahl-e-dard honge kabhi
nazar mein hain lab-o-‘ariz ki surKHiyan jab tak
wafa-paraston ke chehre na zard honge kabhi
wo garmiyan tere anfas ne 'ata ki hain
hamare dil ke alaw na sard honge kabhi
wo jin ke qadmon ki rahti hai manzilon ko talash
jahan mein aise bhi kuchh rah-naward honge kabhi
yaqin na ho to hum ahl-e-shu’ur mar jaen
ye zard zard kanwal laj-ward honge kabhi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
