ek aawaz mustaqil aawaz
ek āvāz mustaqil āvāz
le ga.ī hai sukūn-e-dil āvāz
merī luknat bayān kartī hai
hai kisī se bahut ḳhajil āvāz
ruuh kī ḳhāmushī pe hai ik bojh
yā'nī ambār-e-āb-o-gil āvāz
aatī hai hujra-e-shab-e-ġham se
haul-nāk aur jāñ-gusil āvāz
koī to hai ġhiyāb meñ 'kausar'
suntā hai apnī muzmahil āvāz
ek aawaz mustaqil aawaz
le gai hai sukun-e-dil aawaz
meri luknat bayan karti hai
hai kisi se bahut KHajil aawaz
ruh ki KHamushi pe hai ek bojh
ya'ni ambar-e-ab-o-gil aawaz
aati hai hujra-e-shab-e-gham se
haul-nak aur jaan-gusil aawaz
koi to hai ghiyab mein 'kausar'
sunta hai apni muzmahil aawaz
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
