bujhi hai sham tabiat bhi koi KHas nahin
bujhi hai sham tabiat bhi koi KHas nahin
Dr. G. Ganeshan Mishra Samir
MORE BYDr. G. Ganeshan Mishra Samir
bujhī hai shaam tabī'at bhī koī ḳhaas nahīñ
maiñ aaj phir se akelā huuñ koī paas nahīñ
nigāh bhar ke bhī dekhe hai haal pūchhe hai
kisī ko ġham hai ki ham-dam nazar-shanās nahīñ
marīz-e-ġham ke har ik ġham ko DhūñDhne thā chalā
sukūñ milā hai ki jis kī mujhe talāsh nahīñ
mire qarīb jo aaoge jaan jāoge
thakan hai ruuh kī be-shak badan udaas nahīñ
'samīr' tum se gila hai na koī shikva hai
maiñ aap ḳhush huuñ zamāne se koī aas nahīñ
bujhi hai sham tabi'at bhi koi KHas nahin
main aaj phir se akela hun koi pas nahin
nigah bhar ke bhi dekhe hai haal puchhe hai
kisi ko gham hai ki ham-dam nazar-shanas nahin
mariz-e-gham ke har ek gham ko DhunDhne tha chala
sukun mila hai ki jis ki mujhe talash nahin
mere qarib jo aaoge jaan jaoge
thakan hai ruh ki be-shak badan udas nahin
'samir' tum se gila hai na koi shikwa hai
main aap KHush hun zamane se koi aas nahin
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
