be-dili bebasi be-kali raat din

be-dilī bebasī be-kalī raat din

justujū bas sukūñ kī rahī raat din

keh na paayā kabhī lab se maiñ hāl-e-dil

par sadā detī thī ḳhāmushī raat din

chhoḌ nārāzgī ko tū aa mere paas

ab satātī hai terī kamī raat din

nā-mukammal rahe tere qaul-o-qarār

''kashmakash meñ rahī zindagī raat din''

yuuñ dikhā.ī hai sahrā ne mauj-e-sarāb

rahtī hai lab pe ab tishnagī raat din

beTe bhī maaoñ se duur hone lage

jab Darāne lagī muflisī raat din

pī liyā jaam 'mīsāq' jab āñkhoñ kā

aur baḌhtī ga.ī be-ḳhudī raat din

be-dili bebasi be-kali raat din

justuju bas sukun ki rahi raat din

keh na paya kabhi lab se main haal-e-dil

par sada deti thi KHamushi raat din

chhoD naraazgi ko tu aa mere pas

ab satati hai teri kami raat din

na-mukammal rahe tere qaul-o-qarar

kashmakash mein rahi zindagi raat din

yun dikhai hai sahra ne mauj-e-sarab

rahti hai lab pe ab tishnagi raat din

beTe bhi maon se dur hone lage

jab Darane lagi muflisi raat din

pi liya jam 'misaq' jab aankhon ka

aur baDhti gai be-KHudi raat din