tu kyun jiti rahi bulbul chaman mein dekh kar shabnam
tu kyun jiti rahi bulbul chaman mein dekh kar shabnam
Mohammad Rafi Sauda
MORE BYMohammad Rafi Sauda
tū kyuuñ jiitī rahī bulbul chaman meñ dekh kar shabnam
ki vo dāmān-e-pāk-e-gul jise kartī hai tar shabnam
na dekhā is sivā kuchh lutf ai sub.h-e-chaman terā
gul īdhar le ga.e gulchīñ ga.ī rotī udhar shabnam
bhalā gul tū to hañstā hai hamārī be-sabātī par
batā rotī hai kis kī hasti-e-mauhūm par shabnam
pare Tuk barsiyo gulshan se ham nāzuk-mizājoñ ke
bahā detī hai rang-e-gul ko yaañ ai abr-e-tar shabnam
tire aage use ḳhurshīd kā muñh ḳhush nahīñ aatā
chaman se varna kyuuñ jaatī rahī vaqt-e-sahar shabnam
tu kyun jiti rahi bulbul chaman mein dekh kar shabnam
ki wo daman-e-pak-e-gul jise karti hai tar shabnam
na dekha is siwa kuchh lutf ai subh-e-chaman tera
gul idhar le gae gulchin gai roti udhar shabnam
bhala gul tu to hansta hai hamari be-sabaati par
bata roti hai kis ki hasti-e-mauhum par shabnam
pare Tuk barsiyo gulshan se hum nazuk-mizajon ke
baha deti hai rang-e-gul ko yan ai abr-e-tar shabnam
tere aage use KHurshid ka munh KHush nahin aata
chaman se warna kyun jati rahi waqt-e-sahar shabnam
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
