kis qadar karb se ek karb ka izhaar hua
kis qadar karb se ik karb kā iz.hār huā
'ijz-e-iz.hār mirī raah kī dīvār huā
sub.h kī chaah meñ pathrā ga.iiñ merī āñkheñ
ek āzār mujhe dīda-e-bedār huā
fikr-e-fankār kī zarboñ ke nishāñ haiñ us par
ek patthar faqat is baat pe shahkār huā
mujh ko le Duubā mire khokhle-pan kā ehsās
merī nā-kāmī kā bā'is mirā me'yār huā
kal haqīqat ko fasānoñ kī tarah bhuul na jaa.e
gum fasānoñ meñ agar aaj kā fan-kār huā
kis qadar karb se ek karb ka izhaar hua
'ijz-e-izhaar meri rah ki diwar hua
subh ki chah mein pathra gain meri aankhen
ek aazar mujhe dida-e-bedar hua
fikr-e-fankar ki zarbon ke nishan hain us par
ek patthar faqat is baat pe shahkar hua
mujh ko le Duba mere khokhle-pan ka ehsas
meri na-kaami ka ba'is mera me'yar hua
kal haqiqat ko fasanon ki tarah bhul na jae
gum fasanon mein agar aaj ka fan-kar hua
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.