wo to sirf apne gharane ke liye sochte hain
vo to sirf apne gharāne ke liye sochte haiñ
jin ko dā'vā hai zamāne ke liye sochte haiñ
terī bastī se nikal kar ye tire ḳhāna-ba-dosh
ab kisī aur Thikāne ke liye sochte haiñ
ātish-e-'ishq meñ ab kaun jalegā ki sabhī
peT kī aag bujhāne ke liye sochte haiñ
ai mire qā.id-e-āzam tire chāroñ beTe
ghar meñ dīvār uThāne ke liye sochte haiñ
ghar ko jaate hue har roz bahāna koī
tere ghar kī taraf aane ke liye sochte haiñ
saare ash'ār 'zahīr' us kī amānat haiñ ki ham
har ġhazal us ko sunāne ke liye sochte haiñ
wo to sirf apne gharane ke liye sochte hain
jin ko da'wa hai zamane ke liye sochte hain
teri basti se nikal kar ye tere KHana-ba-dosh
ab kisi aur Thikane ke liye sochte hain
aatish-e-'ishq mein ab kaun jalega ki sabhi
peT ki aag bujhane ke liye sochte hain
ai mere qaid-e-azam tere chaaron beTe
ghar mein diwar uThane ke liye sochte hain
ghar ko jate hue har roz bahana koi
tere ghar ki taraf aane ke liye sochte hain
sare ash'ar 'zahir' us ki amanat hain ki hum
har ghazal us ko sunane ke liye sochte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
