sitam-kash-e-barq-o-baad-o-baran shahid-e-gul-chin-o-baghban hai

sitam-kash-e-barq-o-bād-o-bārāñ shahīd-e-gul-chīn-o-baġhbāñ hai

na jā tū ġhunche kī ḳhāmushī par alif se ye tak vo rāz-dāñ hai

na qissa-e-ġham shunīdanī hai na hāl-e-dil dar-ḳhur-e-bayāñ hai

vo qatra-e-ashk jo mizha par machal gayā apnī dāstāñ hai

qadam-qadam par hai dām-o-dāna nafas-nafas par ġham-e-ḳhizāñ hai

maiñ is gulsitāñ se baaz aayā agar yahī rang-e-gulsitāñ hai

kalī ke siine maiñ raaz maḳhfī guloñ ke 'āriz pe husn 'uryāñ

tirā jamāl-e-bahār-ārā kahīñ nihāñ hai kahīñ 'ayāñ hai

milā vo kunj-e-qafas meñ ham ko sukūn-māyūsī-e-musalsal

ki 'ālam-e-qaid-o-band kī saḳhtiyoñ meñ ārām-e-āshiyāñ hai

tū ashk-e-shabnam ko rā.egāñ kah ki ḳhanda-e-gul ko kār-āmad

magar mirā tajraba to ye hai ki ġham masarrat kā pāsbāñ hai

guzar chuke rah-ravān-e-ulfat hudūd-e-qalb-o-nazar se lekin

tirī jabīn-e-niyāz abhī tak isī tarah vaqf-e-āstāñ hai

hañseñ na ahl-e-ḳhirad hamāre junūñ kī vahshat-tarāziyoñ par

jise vo rahzan samajh rahe haiñ dar-asl vo mīr-e-kārvāñ hai

bahar zamāna dil-o-nazar ko chaman meñ hai ehtiyāt lāzim

ḳhizāñ bhī hai ek āzmā.ish bahār bhī ek imtihāñ hai

chaman meñ sayyād kā koī jākar ehtimām-e-fareb dekhe

zabāñ pe zikr-e-bahār-e-rangīñ nigāh maiñ shāḳh-e-āshiyāñ hai

'urūj-e-qalb-o-nazar jo chāhe to gard-e-rāh-e-niyāz ho jā

yahī vo pastī hai 'faiz' jis meñ bulandī-e-haft-āsmāñ hai

sitam-kash-e-barq-o-baad-o-baran shahid-e-gul-chin-o-baghban hai

na ja tu ghunche ki KHamushi par alif se ye tak wo raaz-dan hai

na qissa-e-gham shunidani hai na haal-e-dil dar-KHur-e-bayan hai

wo qatra-e-ashk jo mizha par machal gaya apni dastan hai

qadam-qadam par hai dam-o-dana nafas-nafas par gham-e-KHizan hai

main is gulsitan se baz aaya agar yahi rang-e-gulsitan hai

kali ke sine main raaz maKHfi gulon ke 'ariz pe husn 'uryan

tera jamal-e-bahaar-ara kahin nihan hai kahin 'ayan hai

mila wo kunj-e-qafas mein hum ko sukun-mayusi-e-musalsal

ki 'alam-e-qaid-o-band ki saKHtiyon mein aaram-e-ashiyan hai

tu ashk-e-shabnam ko raegan kah ki KHanda-e-gul ko kar-amad

magar mera tajraba to ye hai ki gham masarrat ka pasban hai

guzar chuke rah-rawan-e-ulfat hudud-e-qalb-o-nazar se lekin

teri jabin-e-niyaz abhi tak isi tarah waqf-e-astan hai

hansen na ahl-e-KHirad hamare junun ki wahshat-taraaziyon par

jise wo rahzan samajh rahe hain dar-asl wo mir-e-karwan hai

bahar zamana dil-o-nazar ko chaman mein hai ehtiyat lazim

KHizan bhi hai ek aazmaish bahaar bhi ek imtihan hai

chaman mein sayyaad ka koi jakar ehtimam-e-fareb dekhe

zaban pe zikr-e-bahaar-e-rangin nigah main shaKH-e-ashiyan hai

'uruj-e-qalb-o-nazar jo chahe to gard-e-rah-e-niyaz ho ja

yahi wo pasti hai 'faiz' jis mein bulandi-e-haft-asman hai