jahan mein kitne hi fankar sher kahte hain
jahāñ meñ kitne hī fankār she'r kahte haiñ
aur ek ham haiñ ki be-kār she'r kahte haiñ
jo koī pūchhe agar kām-kāj karte ho
to sab se kahte haiñ sarkār she'r kahte haiñ
hamārī 'aql se bāhar hai shā'irī so ham
ġhazal ke naam pe do chaar she'r kahte haiñ
vo jin ke lafz meñ ḳhushbū hai fikr meñ jaadū
unhīñ ke haq meñ suḳhan-kār she'r kahte haiñ
vo tark karte haiñ har baar iltijā 'ādil'
ham aise ziddī haiñ har baar she'r kahte haiñ
jahan mein kitne hi fankar she'r kahte hain
aur ek hum hain ki be-kar she'r kahte hain
jo koi puchhe agar kaam-kaj karte ho
to sab se kahte hain sarkar she'r kahte hain
hamari 'aql se bahar hai sha'iri so hum
ghazal ke nam pe do chaar she'r kahte hain
wo jin ke lafz mein KHushbu hai fikr mein jadu
unhin ke haq mein suKHan-kar she'r kahte hain
wo tark karte hain har bar iltija 'adil'
hum aise ziddi hain har bar she'r kahte hain
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
