har mulaqat hi tum se aadhi hui

har mulāqāt hī tum se aadhī huī

tū bashar na huī dev-zādī huī

bā-jamā'at namāz-e-mohabbat nahīñ

ye jahāñ bhī huī infirādī huī

kyuuñ vo har vaqt ho dastaras meñ mirī

ye mohabbat nahīñ ye to shādī huī

terī āñkheñ banīñ aur sub.h-e-azal

husn ke ḳhātme kī munādī huī

phir kisī kī bhī sūrat na dekhī kabhī

aisī chashm-e-talab terī 'aadī huī

ye karam kā yaqīñ merā apnī jagah

mohtaram hai tumhārī sazā dī huī

har mulaqat hi tum se aadhi hui

tu bashar na hui dew-zadi hui

ba-jama'at namaz-e-mohabbat nahin

ye jahan bhi hui infiradi hui

kyun wo har waqt ho dastaras mein meri

ye mohabbat nahin ye to shadi hui

teri aankhen banin aur subh-e-azal

husn ke KHatme ki munadi hui

phir kisi ki bhi surat na dekhi kabhi

aisi chashm-e-talab teri 'adi hui

ye karam ka yaqin mera apni jagah

mohtaram hai tumhaari saza di hui