wadon se kab talak hamein bahlaenge janab
vā'doñ se kab talak hameñ bahlā.eñge janāb
kab tak hamāre sar kī qasam khā.eñge janāb
apnā nahīñ hameñ to hai bas aap kā ḳhayāl
tanhā.iyoñ meñ aap bhī ghabrā.eñge janāb
hijr-o-visāl donoñ kī lazzat judā judā
jaane ko jā.eñge kahīñ kab ā.eñge janāb
ham hī nahīñ haiñ aap bhī ik musht-e-ḳhāk haiñ
ūñchā uḌeñge aur bikhar jā.eñge janāb
ham ko ḳhudā na kartā agar pā liyā kabhī
ḳhud apne aap ko bhī taras jā.eñge janāb
wa'don se kab talak hamein bahlaenge janab
kab tak hamare sar ki qasam khaenge janab
apna nahin hamein to hai bas aap ka KHayal
tanhaiyon mein aap bhi ghabraenge janab
hijr-o-visal donon ki lazzat juda juda
jaane ko jaenge kahin kab aaenge janab
hum hi nahin hain aap bhi ek musht-e-KHak hain
uncha uDenge aur bikhar jaenge janab
hum ko KHuda na karta agar pa liya kabhi
KHud apne aap ko bhi taras jaenge janab
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
