Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wada-shikan hun aap ka dawa durust hai

Safdar Haron Ansari

wada-shikan hun aap ka dawa durust hai

Safdar Haron Ansari

MORE BYSafdar Haron Ansari

    vā'da-shikan huuñ aap kā dā'vā durust hai

    mahbūb haiñ to aap kā shikva durust hai

    parde kare jo husn ye marzī hai husn kī

    merī nazar meñ husn kā jalva durust hai

    us gul-badan kī khoj meñ niklā huuñ aaj maiñ

    ḳhushbū batā rahī hai ki rastā durust hai

    vo zulf vo nigāh uf allāh kī qasam

    shahr-e-vafā meñ yaar kā charchā durust hai

    maiñ māñgtā huuñ yaar se bosa bhī suud par

    is mas.ale meñ suud kā saudā durust hai

    ashkoñ kā vasl-e-yār meñ bahnā bhī hai durust

    be-chārgī pe hijr meñ hañsnā durust hai

    us par ḳhirad kā zor hai is par ḳhumār-e-'ishq

    yaañ 'aql-o-dil ke biich kā jhagḌā durust hai

    jitnā bhī haath pair yahāñ maar lījiye

    hogā vahī yahāñ pe jo honā durust hai

    'safdar' huuñ maiñ janāb koī 'aam shai nahīñ

    mujh se bichhaḌ ke aap kā ronā durust hai

    wa'da-shikan hun aap ka da'wa durust hai

    mahbub hain to aap ka shikwa durust hai

    parde kare jo husn ye marzi hai husn ki

    meri nazar mein husn ka jalwa durust hai

    us gul-badan ki khoj mein nikla hun aaj main

    KHushbu bata rahi hai ki rasta durust hai

    wo zulf wo nigah uf allah ki qasam

    shahr-e-wafa mein yar ka charcha durust hai

    main mangta hun yar se bosa bhi sud par

    is masale mein sud ka sauda durust hai

    ashkon ka wasl-e-yar mein bahna bhi hai durust

    be-chaargi pe hijr mein hansna durust hai

    us par KHirad ka zor hai is par KHumar-e-'ishq

    yan 'aql-o-dil ke bich ka jhagDa durust hai

    jitna bhi hath pair yahan mar lijiye

    hoga wahi yahan pe jo hona durust hai

    'safdar' hun main janab koi 'am shai nahin

    mujh se bichhaD ke aap ka rona durust hai

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    Speak Now