meri har baat hi rad hai had hai

merī har baat hī rad hai had hai

un kī ḳhāmoshī sanad hai had hai

kaun rotā hai yahāñ dūsroñ ko

sab kī ḳhud apnī lahad hai had hai

sirf ham hī nahīñ haiñ un pe fidā

'ishq un ko bhī ashad hai had hai

shahr kī saarī hasīnāoñ meñ

sab se aa'lā tirā qad hai had hai

dost ho kar bhī daġhā-bāzī kare

yaar ye kaisī madad hai had hai

she'r kyuuñ sab ko sunātā hai 'shāh'

tū na 'ġhālib' na 'asad' hai had hai

meri har baat hi rad hai had hai

un ki KHamoshi sanad hai had hai

kaun rota hai yahan dusron ko

sab ki KHud apni lahad hai had hai

sirf hum hi nahin hain un pe fida

'ishq un ko bhi ashad hai had hai

shahr ki sari hasinaon mein

sab se aa'la tera qad hai had hai

dost ho kar bhi dagha-bazi kare

yar ye kaisi madad hai had hai

she'r kyun sab ko sunata hai 'shah'

tu na 'ghaalib' na 'asad' hai had hai