kar ke irada aai thi jis se kalam ka
kar ke irāda aa.ī thī jis se kalām kā
us se javāb bhī nahīñ paayā salām kā
achchhī kaTegī 'umr na.e shahr meñ mirī
ik shaḳhs mil gayā hai yahāñ tere naam kā
kal shab kisī se kī thī baḌe din meñ guftugū
mauzū' to nahīñ hai hamāre kalām kā
tum ne jahāñ biThāyā hai us se pata chalā
tum ko pata nahīñ hai hamāre maqām kā
maiñ sub.h ko udaas huī jis ko soch kar
ai dost hādsa thā kisī ek shaam kā
achchhā huā ki chhoḌ diyā kārobār-e-'ishq
vaise ye kaam thā bhī nahīñ apne kaam kā
kar ke irada aai thi jis se kalam ka
us se jawab bhi nahin paya salam ka
achchhi kaTegi 'umr nae shahr mein meri
ek shaKHs mil gaya hai yahan tere nam ka
kal shab kisi se ki thi baDe din mein guftugu
mauzu' to nahin hai hamare kalam ka
tum ne jahan biThaya hai us se pata chala
tum ko pata nahin hai hamare maqam ka
main subh ko udas hui jis ko soch kar
ai dost hadsa tha kisi ek sham ka
achchha hua ki chhoD diya karobar-e-'ishq
waise ye kaam tha bhi nahin apne kaam ka
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
