kahta hai wo but mujhse kuchh KHauf-e-KHuda karna

kahtā hai vo but mujh se kuchh ḳhauf-e-ḳhudā karnā

maiñ tum se milūñ is kī hargiz na du'ā karnā

maiñ ne hī vafā kī hai maiñ ne hī ḳhatā kī hai

mujh par hī sitam Dhānā mujh par hī jafā karnā

ho kar hī rahā zāhir tū dost hai dushman kā

āḳhir na chhupā zālim chhup chhup ke milā karnā

kahte haiñ ki dil bhī hai jo dil se du'ā māñgo

kyuuñ haath uThā.e haiñ sīkho to du'ā karnā

kahte haiñ 'qamar' dekho aġhyār ḳhafā hoñge

tum naam kabhī apnā ḳhat meñ na likhā karnā

kahta hai wo but mujh se kuchh KHauf-e-KHuda karna

main tum se milun is ki hargiz na du'a karna

main ne hi wafa ki hai main ne hi KHata ki hai

mujh par hi sitam Dhana mujh par hi jafa karna

ho kar hi raha zahir tu dost hai dushman ka

aaKHir na chhupa zalim chhup chhup ke mila karna

kahte hain ki dil bhi hai jo dil se du'a mango

kyun hath uThae hain sikho to du'a karna

kahte hain 'qamar' dekho aghyar KHafa honge

tum nam kabhi apna KHat mein na likha karna