jo bhi afsurda-e-KHata na hua

jo bhī afsurda-e-ḳhatā na huā

vo kabhī mā.il-e-duā na huā

har kisī par thā e'timād mujhe

lekin is baat ko zamāna huā

daar par mujh ko khīñchne vaale

lab-kushā.ī to ik bahāna huā

maut kī sarhadoñ ko chhū kar bhī

zindagī se mujhe gilā na huā

dekhnā ye hai kaun aa.egā

jab mire ghar meñ boriyā na huā

'umr bhar sochtā rahā lekin

tark-e-ulfat kā hausla na huā

jo bhi afsurda-e-KHata na hua

wo kabhi mail-e-dua na hua

har kisi par tha e'timad mujhe

lekin is baat ko zamana hua

dar par mujh ko khinchne wale

lab-kushai to ek bahana hua

maut ki sarhadon ko chhu kar bhi

zindagi se mujhe gila na hua

dekhna ye hai kaun aaega

jab mere ghar mein boriya na hua

'umr bhar sochta raha lekin

tark-e-ulfat ka hausla na hua