gham mein dete ho mashwara jaanan
ġham meñ dete ho mashvara jānāñ
is takalluf kā shukriya jānāñ
kyā musībat hai ab mohabbat meñ
she'r kahtī huuñ kufriya jānāñ
pattharoñ kā banā huā maiñ bhī
dil meñ rakhtī huuñ aa.ina jānāñ
phir mohabbat se kaise mukroge
tum se pūchhegā jab ḳhudā jānāñ
vo ye kahtā thā hosh meñ aao
phir mujhe hosh aa gayā jānāñ
gham mein dete ho mashwara jaanan
is takalluf ka shukriya jaanan
kya musibat hai ab mohabbat mein
she'r kahti hun kufriya jaanan
pattharon ka bana hua main bhi
dil mein rakhti hun aaina jaanan
phir mohabbat se kaise mukroge
tum se puchhega jab KHuda jaanan
wo ye kahta tha hosh mein aao
phir mujhe hosh aa gaya jaanan
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
