dil se wo kaam nahin lete hain

dil se vo kaam nahīñ lete haiñ

ab mirā naam nahīñ lete haiñ

vo bhī āġhāz bhulā baiThe haiñ

ham bhī anjām nahīñ lete haiñ

ham se nālāñ haiñ mohabbat kyuuñ kī

ḳhud par ilzām nahīñ lete haiñ

hazrat-e-dil kā bhalā kyā kiije

zarā ārām nahīñ lete haiñ

zid hai girnā hai yahāñ roz-o-shab

jab talak thaam nahīñ lete haiñ

koī samjhā.e bujhā.e dil ko

dil par ālām nahīñ lete haiñ

mere she'roñ pe hai martī duniyā

vahī paiġhām nahīñ lete haiñ

lījiye muft meñ jaañ le liije

jaañ ke ham daam nahīñ lete haiñ

tauba kitnā hai burā naam 'abrak'

jab vahī naam nahīñ lete haiñ

dil se wo kaam nahin lete hain

ab mera nam nahin lete hain

wo bhi aaghaz bhula baiThe hain

hum bhi anjam nahin lete hain

hum se nalan hain mohabbat kyun ki

KHud par ilzam nahin lete hain

hazrat-e-dil ka bhala kya kije

zara aaram nahin lete hain

zid hai girna hai yahan roz-o-shab

jab talak tham nahin lete hain

koi samjhae bujhae dil ko

dil par aalam nahin lete hain

mere she'ron pe hai marti duniya

wahi paigham nahin lete hain

lijiye muft mein jaan le lije

jaan ke hum dam nahin lete hain

tauba kitna hai bura nam 'abrak'

jab wahi nam nahin lete hain