beshtar ranjishen sar-ba-sar ranjishen
beshtar ranjisheñ sar-ba-sar ranjisheñ
kis ko kitnī huiiñ kyā ḳhabar ranjisheñ
haal bhī aap ab kahte sunte nahīñ
kar ga.iiñ aap ke dil meñ ghar ranjisheñ
hañs ke milte haiñ bas fā.ede ke liye
log sīnoñ meñ bhī paal kar ranjisheñ
ab mohabbat pe vaisā bharosa kahāñ
ho ga.ī haiñ bahut mo'tabar ranjisheñ
aaj ḳhushiyāñ ḳharīdī haiñ ghar ke liye
fā.ede meñ rahe bech kar ranjisheñ
jab ki 'farhān' ulfat hai āsāñ bahut
log rakhte haiñ kyuuñ is qadar ranjisheñ
beshtar ranjishen sar-ba-sar ranjishen
kis ko kitni huin kya KHabar ranjishen
haal bhi aap ab kahte sunte nahin
kar gain aap ke dil mein ghar ranjishen
hans ke milte hain bas faede ke liye
log sinon mein bhi pal kar ranjishen
ab mohabbat pe waisa bharosa kahan
ho gai hain bahut mo'tabar ranjishen
aaj KHushiyan KHaridi hain ghar ke liye
faede mein rahe bech kar ranjishen
jab ki 'farhan' ulfat hai aasan bahut
log rakhte hain kyun is qadar ranjishen
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
