aisa bhi kahin dekha hai manzar use kahna

aisā bhī kahīñ dekhā hai manzar use kahnā

sahrā hai mirī aañkh ke andar use kahnā

tujh ko bhī koī shak hai to phir aa maiñ dikhā.ūñ

shāhoñ meñ bhī baiThe haiñ gadāgar use kahnā

kaise maiñ kahūñ chehra vo aisā hai ki jaise

pūnam ke hasīñ chāñd kā manzar use kahnā

ab us ko mire lams kī ḳhush-bū nahīñ milnī

ab 'uud lagā.e ki vo 'ambar use kahnā

hotā hai koī ḳhauf na Dar us ko kisī kā

uḌtā hai havāoñ meñ qalandar use kahnā

tere hī taraf-dār tirī samt baḌheñge

hāthoñ meñ uThā.e hue ḳhanjar use kahnā

har baat ko sah letā huuñ chup-chāp maiñ hañs kar

jaise ki mirā dil ho samundar use kahnā

aisa bhi kahin dekha hai manzar use kahna

sahra hai meri aankh ke andar use kahna

tujh ko bhi koi shak hai to phir aa main dikhaun

shahon mein bhi baiThe hain gadagar use kahna

kaise main kahun chehra wo aisa hai ki jaise

punam ke hasin chand ka manzar use kahna

ab us ko mere lams ki KHush-bu nahin milni

ab 'ud lagae ki wo 'ambar use kahna

hota hai koi KHauf na Dar us ko kisi ka

uDta hai hawaon mein qalandar use kahna

tere hi taraf-dar teri samt baDhenge

hathon mein uThae hue KHanjar use kahna

har baat ko sah leta hun chup-chap main hans kar

jaise ki mera dil ho samundar use kahna