ai munafiq tere andaz ye aksar honge
ai munāfiq tire andāz ye aksar hoñge
gul meñ poshīda tire haath meñ nashtar hoñge
tishnagī le ke ga.e kitne magar Duub ga.e
kyā ḳhabar thī tirī āñkhoñ meñ samundar hoñge
tere har zulm pe dete haiñ mubārak tujh ko
un ke sīnoñ meñ koī dil nahīñ patthar hoñge
hai mire chāñd mayassar jinheñ qurbat terī
kyā sitāroñ kī tarah un ke muqaddar hoñge
mujh ko 'tahsīn' kabhī hogī ziyārat un kī
kyā kabhī ban ke vo mehmān mire ghar hoñge
ai munafiq tere andaz ye aksar honge
gul mein poshida tere hath mein nashtar honge
tishnagi le ke gae kitne magar Dub gae
kya KHabar thi teri aankhon mein samundar honge
tere har zulm pe dete hain mubarak tujh ko
un ke sinon mein koi dil nahin patthar honge
hai mere chand mayassar jinhen qurbat teri
kya sitaron ki tarah un ke muqaddar honge
mujh ko 'tahsin' kabhi hogi ziyarat un ki
kya kabhi ban ke wo mehman mere ghar honge
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
