ab kisi se mujhe mohabbat ho
ab kisī se mujhe mohabbat ho
aap ko kyuuñ bhalā shikāyat ho
phir ġhazal tarz-e-mīr meñ kahiye
aaj mahfil meñ phir qayāmat ho
zaḳhm-e-dil dekhne hī aa jaa.eñ
aap ko jab kabhī bhī fursat ho
haiñ du'ā-go hamāre maañ aur baap
kyuuñ na ghar meñ hamāre barkat ho
un ko sar par biThānā lāzim hai
jin ke qadmoñ ke nīche jannat ho
us pe vājib hai āñsuoñ kī zakāt
paas jis ke ġhamoñ kī daulat ho
lo vafā le ke aa ga.e 'vāris'
jo bhī duniyā meñ is kī qīmat ho
ab kisi se mujhe mohabbat ho
aap ko kyun bhala shikayat ho
phir ghazal tarz-e-mir mein kahiye
aaj mahfil mein phir qayamat ho
zaKHm-e-dil dekhne hi aa jaen
aap ko jab kabhi bhi fursat ho
hain du'a-go hamare man aur bap
kyun na ghar mein hamare barkat ho
un ko sar par biThana lazim hai
jin ke qadmon ke niche jannat ho
us pe wajib hai aansuon ki zakat
pas jis ke ghamon ki daulat ho
lo wafa le ke aa gae 'waris'
jo bhi duniya mein is ki qimat ho
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
