agar ho kuchh na-gawar-e-KHatir bigaD ke jina azab kar de

agar ho kuchh nā-gavār-e-ḳhātir bigaḌ ke jiinā 'azāb kar de

ik aise zālim se vāsta hai jo raah meñ be-naqāb kar de

nasīb meñ jis ke gardisheñ hoñ jise zamāna ḳharāb kar de

vo kyā kare jo na zindagī ko sipurd-e-jām-e-sharāb kar de

adā-o-shoḳhī se muskurānā ḳhud apne hāthoñ se mai pilānā

ye aap kā iltifāt-e-paiham agar mujhe be-hijāb kar de

tumhīñ nahīñ ek mah-jabīñ ho har ek sūrat hai chāñd jaisī

lagāo dil kā nazar kā jaadū jise kaho āftāb kar de

tabāh kar denā mashġhala hai ye terī ulfat kī intihā hai

karam kī jis par nigāh Daale usī kā ḳhāna-ḳharāb kar de

masīh se tā-kirishn-o-ahmad sabhī mohabbat ke devtā haiñ

'munīr' maidān-e-'āshiqī meñ ḳhudā jise kām-yāb kar de

agar ho kuchh na-gawar-e-KHatir bigaD ke jina 'azab kar de

ek aise zalim se wasta hai jo rah mein be-naqab kar de

nasib mein jis ke gardishen hon jise zamana KHarab kar de

wo kya kare jo na zindagi ko sipurd-e-jam-e-sharab kar de

ada-o-shoKHi se muskurana KHud apne hathon se mai pilana

ye aap ka iltifat-e-paiham agar mujhe be-hijab kar de

tumhin nahin ek mah-jabin ho har ek surat hai chand jaisi

lagao dil ka nazar ka jadu jise kaho aaftab kar de

tabah kar dena mashghala hai ye teri ulfat ki intiha hai

karam ki jis par nigah Dale usi ka KHana-KHarab kar de

masih se ta-kirishn-o-ahmad sabhi mohabbat ke dewta hain

'munir' maidan-e-'ashiqi mein KHuda jise kaam-yab kar de