mat puchh ye ki raat kaTi kyunki tujh baghair

mat pūchh ye ki raat kaTī kyūñki tujh baġhair

is guftugū se fā.ida pyāre guzar ga.ī

parvāne raat sham' se itne jale ki sub.h

ḳhākistar un kī le ke sabā dosh par ga.ī

shīrīñ kī ek maiñ na kahūñ varna bār-hā

lailā jidhar thī vādī-e-majnūñ udhar ga.ī

mere lahū se hai mirī dīvār ghar kī surḳh

merī hī mauj-e-ḳhūñ mire bairūn-e-dar ga.ī

shikva tū kyuuñ kare hai mire ashk-e-surḳh kā

terī kab āstīñ mire lohū se bhar ga.ī

mat puchh ye ki raat kaTi kyunki tujh baghair

is guftugu se faida pyare guzar gai

parwane raat sham' se itne jale ki subh

KHakistar un ki le ke saba dosh par gai

shirin ki ek main na kahun warna bar-ha

laila jidhar thi wadi-e-majnun udhar gai

mere lahu se hai meri diwar ghar ki surKH

meri hi mauj-e-KHun mere bairun-e-dar gai

shikwa tu kyun kare hai mere ashk-e-surKH ka

teri kab aastin mere lohu se bhar gai