bujh rahi hai rafta rafta sham-e-mahfil aaKHri

bujh rahī hai rafta rafta sham'-e-mahfil āḳhrī

sāqiyā ab to pilā de jām-e-qātil āḳhrī

muḌ ke dekhā us ne merī samt kuchh is taur se

mai-kade kā de gayā vo kaif-e-kāmil āḳhrī

chashm-e-sāqī meñ simaT kar rah ga.ī hai saarī mai

pī gayā āñkhoñ se merī ashk-e-hāsil āḳhrī

kar rahā thā maiñ mukammal tark-e-ulfat kī du'ā

ik nazar se le gayā vo sabr-e-bismil āḳhrī

vaqt-e-āḳhir lab pe 'az.har' kufr thā taarī magar

yā ilāhī keh ke toḌī maiñ ne manzil āḳhrī

bujh rahi hai rafta rafta sham'-e-mahfil aaKHri

saqiya ab to pila de jam-e-qatil aaKHri

muD ke dekha us ne meri samt kuchh is taur se

mai-kade ka de gaya wo kaif-e-kaamil aaKHri

chashm-e-saqi mein simaT kar rah gai hai sari mai

pi gaya aankhon se meri ashk-e-hasil aaKHri

kar raha tha main mukammal tark-e-ulfat ki du'a

ek nazar se le gaya wo sabr-e-bismil aaKHri

waqt-e-aKHir lab pe 'azhar' kufr tha tari magar

ya ilahi keh ke toDi main ne manzil aaKHri