ashk ke qatre se naisan ka asar rakhti hai sham

ashk ke qatre se naisāñ kā asar rakhtī hai sham'

sar se le kar tā-qadam silk-e-guhar rakhtī hai sham'

tū mire ġham se na royā aur merī ḳhaak par

shaam se tā-sub.h apnī chashm-e-tar rakhtī hai sham'

rahrav-e-sū-e-'adam ko jumbish-e-pā kyā hai shart

ḳhāna-e-fānūs meñ har shab safar rakhtī hai sham'

sho'le par har-chand dil parvāne kā bhī hai nisār

vāste jalne ke par kyā hī jigar rakhtī hai sham'

ashk ke qatre se naisan ka asar rakhti hai sham'

sar se le kar ta-qadam silk-e-guhar rakhti hai sham'

tu mere gham se na roya aur meri KHak par

sham se ta-subh apni chashm-e-tar rakhti hai sham'

rahraw-e-su-e-'adam ko jumbish-e-pa kya hai shart

KHana-e-fanus mein har shab safar rakhti hai sham'

sho'le par har-chand dil parwane ka bhi hai nisar

waste jalne ke par kya hi jigar rakhti hai sham'