yun tu dharti ko man samajhta hai
yuuñ tū dhartī ko maañ samajhtā hai
is kī piiḌā kahāñ samajhtā hai
kitnā mushkil hai parvarish karnā
baat ye bāġhbāñ samajhtā hai
vo bhalā kyā chalā.egā aarī
har shajar meñ jo jaañ samajhtā hai
firqa-vārāna soch ho jis kī
ādmiyyat kahāñ samajhtā hai
baḌh na paayā jaḌoñ se kaT ke koī
baat ye kul jahāñ samajhtā hai
yun tu dharti ko man samajhta hai
is ki piDa kahan samajhta hai
kitna mushkil hai parwarish karna
baat ye baghban samajhta hai
wo bhala kya chalaega aari
har shajar mein jo jaan samajhta hai
firqa-warana soch ho jis ki
aadmiyyat kahan samajhta hai
baDh na paya jaDon se kaT ke koi
baat ye kul jahan samajhta hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
