kabhi na ashk bahae bhale hi ghaw gire
kabhī na ashk bahā.e bhale hī ghaav gire
mujhe pasand nahīñ aañkh par tanāv gire
jame haiñ barf ke mānind ashk āñkhoñ meñ
Tapak paḌeñge agar ranj ke alaav gire
asar firāq kā hogā nayā nayā ham par
nishān paḌte haiñ miTTī pe jab dabāv gire
mirī kamī se use farq bhī na thā jaise
fa'ū ke vazn pe lafz-e-ḳhudī kī vaav gire
shajar kā 'ishq nahīñ us ko phal kā bojh kaho
agar zamīñ kī taraf shāḳh kā jhukāv gire
ġhizā banā.ī hai insāñ ne machhliyāñ kitnī
to kyā burā hai samundar meñ ek naav gire
kabhi na ashk bahae bhale hi ghaw gire
mujhe pasand nahin aankh par tanaw gire
jame hain barf ke manind ashk aankhon mein
Tapak paDenge agar ranj ke alaw gire
asar firaq ka hoga naya naya hum par
nishan paDte hain miTTi pe jab dabaw gire
meri kami se use farq bhi na tha jaise
fa'u ke wazn pe lafz-e-KHudi ki waw gire
shajar ka 'ishq nahin us ko phal ka bojh kaho
agar zamin ki taraf shaKH ka jhukaw gire
ghiza banai hai insan ne machhliyan kitni
to kya bura hai samundar mein ek naw gire
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
